Alexander Pushkin. «Evgeny Oneginni» al tizginleri (Tebulany Shukur kyochyurgendi)

Alexander Pushkin

Александр Пушкин. «Евгений Онегинни» ал тизгинлери

Кёчюрген Тебуланы Шукур

I

“Ашхы джуўукъ, адет, джорукъ — 
Джашаў бюкдю, аўруў алыб.
Хурмет излейд эртде суўукъ — 
Мени излейсе, таралыб.
Аннга къарай, юлгю ала,
Миллет атлайд, эски тала.
Мен эрикдим, къатын сакълай — 
Кече да, кюн да тур алай.
Хыйла башы, дунья ючюн,
Кете-келе тургъан джанны
Дарман сакълармы? Заманны
Кёб ашырдым кече бла кюн.
Кёб ахсындым, сагъыш эте:
«Къайдад аджал, сеннге джетсе?»”

II

Ол бошбойдакъны сагъышы,
Джолгъа чыгъыб, мыдах болуб,
Къысха джуўукъну ныгъышы,
Джазыў къабханнга тутулуб.
Людмила бла Руслан келген
Кебденд хапар. Миллет билген,
Бу джазманы багъанасы
Болады джаш, къысха-джассы —
Онегин деб. Иги таный,
Нева-суўланы уланы,
Таныйсыз барыгъыз аны.
Биргегизге береме сый
Ол джерлеге, аякъ басхан—
Шимал джаны меннге заран.

Закладка Постоянная ссылка.

Добавить комментарий

Ваш e-mail не будет опубликован. Обязательные поля помечены *